_Epigramma_

Página 1 de 3 1, 2, 3  Seguinte

Ver o tópico anterior Ver o tópico seguinte Ir em baixo

_Epigramma_

Mensagem por Quirinus em Seg 8 Jun - 10:13


Qui modo Nasonis fueramus quinque libelli,
   tres sumus; hoc illi praetulit auctor opus.
ut iam nulla tibi nos sit legisse voluptas,
   at levior demptis poena duobus erit.

_________________
avatar
Quirinus
Deus
Deus

Academy : 3
Lugares : Roma

Voltar ao Topo Ir em baixo

Re: _Epigramma_

Mensagem por Hora em Seg 8 Jun - 10:23

I

Arma gravi numero violentaque bella parabam
   edere, materia conveniente modis.
par erat inferior versus—risisse Cupido
   dicitur atque unum surripuisse pedem.
'Quis tibi, saeve puer, dedit hoc in carmina iuris?              
   Pieridum vates, non tua turba sumus.
quid, si praeripiat flavae Venus arma Minervae,
   ventilet accensas flava Minerva faces?
quis probet in silvis Cererem regnare iugosis,
   lege pharetratae Virginis arva coli?              
crinibus insignem quis acuta cuspide Phoebum
   instruat, Aoniam Marte movente lyram?
sunt tibi magna, puer, nimiumque potentia regna;
   cur opus adfectas, ambitiose, novum?
an, quod ubique, tuum est? tua sunt Heliconia tempe?              
   vix etiam Phoebo iam lyra tuta sua est?
cum bene surrexit versu nova pagina primo,
   attenuat nervos proximus ille meos;
nec mihi materia est numeris levioribus apta,
   aut puer aut longas compta puella comas.'              
Questus eram, pharetra cum protinus ille soluta
   legit in exitium spicula facta meum,
lunavitque genu sinuosum fortiter arcum,
   'quod' que 'canas, vates, accipe' dixit 'opus!'
Me miserum! certas habuit puer ille sagittas.              
   uror, et in vacuo pectore regnat Amor.
Sex mihi surgat opus numeris, in quinque residat:
   ferrea cum vestris bella valete modis!
cingere litorea flaventia tempora myrto,
   Musa, per undenos emodulanda pedes!              

_________________
avatar
Hora
Deusa
Deusa

Academy : 3
Lugares : Roma

Voltar ao Topo Ir em baixo

Re: _Epigramma_

Mensagem por Roma em Seg 8 Jun - 13:11


II

Esse quid hoc dicam, quod tam mihi dura videntur
strata, neque in lecto pallia nostra sedent,
et vacuus somno noctem, quam longa, peregi,
lassaque versati corporis ossa dolent?
nam, puto, sentirem, siquo temptarer amore.
an subit et tecta callidus arte nocet?
sic erit; haeserunt tenues in corde sagittae,
et possessa ferus pectora versat Amor.
Cedimus, an subitum luctando accendimus ignem?
cedamus! leve fit, quod bene fertur, onus.
vidi ego iactatas mota face crescere flammas
et rursus nullo concutiente mori.
verbera plura ferunt, quam quos iuvat usus aratri,
detractant prensi dum iuga prima boves.
asper equus duris contunditur ora lupatis,
frena minus sentit, quisquis ad arma facit.



_________________
avatar
Roma
Deusa
Deusa

Academy : 5
Lugares : Roma

Voltar ao Topo Ir em baixo

Re: _Epigramma_

Mensagem por Quirinus em Seg 8 Jun - 13:21

....
acrius invitos multoque ferocius urget
quam qui servitium ferre fatentur Amor.
En ego confiteor! tua sum nova praeda, Cupido;
porrigimus victas ad tua iura manus.
nil opus est bello—veniam pacemque rogamus;
nec tibi laus armis victus inermis ero.
necte comam myrto, maternas iunge columbas;
qui deceat, currum vitricus ipse dabit,
inque dato curru, populo clamante triumphum,
stabis et adiunctas arte movebis aves.
ducentur capti iuvenes captaeque puellae;
haec tibi magnificus pompa triumphus erit.
ipse ego, praeda recens, factum modo vulnus habebo
et nova captiva vincula mente feram.


_________________
avatar
Quirinus
Deus
Deus

Academy : 3
Lugares : Roma

Voltar ao Topo Ir em baixo

Re: _Epigramma_

Mensagem por Janus em Seg 8 Jun - 13:32

...
Mens Bona ducetur manibus post terga retortis,
et Pudor, et castris quidquid Amoris obest.
omnia te metuent; ad te sua bracchia tendens
vulgus 'io' magna voce 'triumphe!' canet.
blanditiae comites tibi erunt Errorque Furorque,
adsidue partes turba secuta tuas.
his tu militibus superas hominesque deosque;
haec tibi si demas commoda, nudus eris.
Laeta triumphanti de summo mater Olympo
plaudet et adpositas sparget in ora rosas.
tu pinnas gemma, gemma variante capillos
ibis in auratis aureus ipse rotis.
tunc quoque non paucos, si te bene novimus, ures;
tunc quoque praeteriens vulnera multa dabis.
non possunt, licet ipse velis, cessare sagittae;
fervida vicino flamma vapore nocet.
talis erat domita Bacchus Gangetide terra;
tu gravis alitibus, tigribus ille fuit.
Ergo cum possim sacri pars esse triumphi,
parce tuas in me perdere, victor, opes!
adspice cognati felicia Caesaris arma—
qua vicit, victos protegit ille manu.

_________________
avatar
Janus
Deus
Deus

Academy : 2
Lugares : Roma

Voltar ao Topo Ir em baixo

Re: _Epigramma_

Mensagem por Bellona em Seg 8 Jun - 15:28


III

Iusta precor: quae me nuper praedata puella est,
aut amet aut faciat, cur ego semper amem!
a, nimium volui—tantum patiatur amari;
audierit nostras tot Cytherea preces!
Accipe, per longos tibi qui deserviat annos;
accipe, qui pura norit amare fide!
si me non veterum commendant magna parentum
nomina, si nostri sanguinis auctor eques,
nec meus innumeris renovatur campus aratris,
temperat et sumptus parcus uterque parens—
at Phoebus comitesque novem vitisque repertor
hac faciunt, et me qui tibi donat, Amor,
et nulli cessura fides, sine crimine mores
nudaque simplicitas purpureusque pudor.
non mihi mille placent, non sum desultor amoris:
tu mihi, siqua fides, cura perennis eris.
tecum, quos dederint annos mihi fila sororum,
vivere contingat teque dolente mori!
te mihi materiem felicem in carmina praebe—
provenient causa carmina digna sua.

_________________
avatar
Bellona
Deusa
Deusa

Academy : 4
Lugares : Roma

Voltar ao Topo Ir em baixo

Re: _Epigramma_

Mensagem por Bellona em Seg 8 Jun - 15:29


Carmine nomen habent exterrita cornibus Io
et quam fluminea lusit adulter ave,
quaeque super pontum simulato vecta iuvenco
virginea tenuit cornua vara manu.
nos quoque per totum pariter cantabimur orbem,
iunctaque semper erunt nomina nostra tuis.


_________________
avatar
Bellona
Deusa
Deusa

Academy : 4
Lugares : Roma

Voltar ao Topo Ir em baixo

Re: _Epigramma_

Mensagem por Vesta em Seg 8 Jun - 15:45



IV

Vir tuus est epulas nobis aditurus easdem—
ultima coena tuo sit, precor, illa viro!
ergo ego dilectam tantum conviva puellam
adspiciam? tangi quem iuvet, alter erit,
alteriusque sinus apte subiecta fovebis?
iniciet collo, cum volet, ille manum?
desino mirari, posito quod candida vino
Atracis ambiguos traxit in arma viros.
nec mihi silva domus, nec equo mea membra cohaerent—
vix a te videor posse tenere manus!
Quae tibi sint facienda tamen cognosce, nec Euris
da mea nec tepidis verba ferenda Notis!
ante veni, quam vir—nec quid, si veneris ante,
possit agi video; sed tamen ante veni.
cum premet ille torum, vultu comes ipsa modesto
ibis, ut accumbas—clam mihi tange pedem!
me specta nutusque meos vultumque loquacem;
excipe furtivas et refer ipsa notas.


_________________
avatar
Vesta
Deusa
Deusa

Academy : 2
Lugares : Roma

Voltar ao Topo Ir em baixo

Re: _Epigramma_

Mensagem por Diana em Seg 8 Jun - 15:59


...
verba superciliis sine voce loquentia dicam;
verba leges digitis, verba notata mero.
cum tibi succurret Veneris lascivia nostrae,
purpureas tenero pollice tange genas.
siquid erit, de me tacita quod mente queraris,
pendeat extrema mollis ab aure manus.
cum tibi, quae faciam, mea lux, dicamve, placebunt,
versetur digitis anulus usque tuis.
tange manu mensam, tangunt quo more precantes,
optabis merito cum mala multa viro.
Quod tibi miscuerit, sapias, bibat ipse, iubeto;
tu puerum leviter posce, quod ipsa voles.
quae tu reddideris ego primus pocula sumam,
et, qua tu biberis, hac ego parte bibam.
si tibi forte dabit, quod praegustaverit ipse,
reice libatos illius ore cibos.
nec premat inpositis sinito tua colla lacertis,
mite nec in rigido pectore pone caput;
nec sinus admittat digitos habilesve papillae;
oscula praecipue nulla dedisse velis!

_________________
avatar
Diana
Deusa
Deusa

Academy : 19
Lugares : Roma

Voltar ao Topo Ir em baixo

Re: _Epigramma_

Mensagem por Apolo em Qua 10 Jun - 0:07


Oscula si dederis, fiam manifestus amator
et dicam 'mea sunt!' iniciamque manum.

Haec tamen adspiciam, sed quae bene pallia celant,
illa mihi caeci causa timoris erunt.

Nec femori committe femur nec crure cohaere
nec tenerum duro cum pede iunge pedem.
multa miser timeo, quia feci multa proterve,
exemplique metu torqueor, ecce, mei.

Saepe mihi dominaeque meae properata voluptas
veste sub iniecta dulce peregit opus.

Hoc tu non facies; sed, ne fecisse puteris,
conscia de tergo pallia deme tuo.

Vir bibat usque roga—precibus tamen oscula desint!—
dumque bibit, furtim si potes, adde merum.

Si bene conpositus somno vinoque iacebit,
consilium nobis resque locusque dabunt.

Cum surges abitura domum, surgemus et omnes,
in medium turbae fac memor agmen eas.

Agmine me invenies aut invenieris in illo:
quidquid ibi poteris tangere, tange, mei.

Me miserum! monui, paucas quod prosit in horas;
separor a domina nocte iubente mea.

Nocte vir includet, lacrimis ego maestus obortis,
qua licet, ad saevas prosequar usque fores.


_________________
avatar
Apolo
Deus
Deus

Academy : 78
Lugares : Roma

Voltar ao Topo Ir em baixo

Re: _Epigramma_

Mensagem por Ceres em Qua 10 Jun - 23:06

...
oscula iam sumet, iam non tantum oscula sumet:
quod mihi das furtim, iure coacta dabis.

Verum invita dato—potes hoc—similisque coactae;
blanditiae taceant, sitque maligna Venus.

Si mea vota valent, illum quoque ne iuvet, opto;
si minus, at certe te iuvet inde nihil.

Sed quaecumque tamen noctem fortuna sequetur,
cras mihi constanti voce dedisse nega!

_________________
avatar
Ceres
Deusa
Deusa

Academy : 38
Lugares : Roma

Voltar ao Topo Ir em baixo

Re: _Epigramma_

Mensagem por Marte em Qui 11 Jun - 0:59


V-

Aestus erat, mediamque dies exegerat horam;
adposui medio membra levanda toro.
Pars adaperta fuit, pars altera clausa fenestrae;
quale fere silvae lumen habere solent,
qualia sublucent fugiente crepuscula Phoebo,
aut ubi nox abiit, nec tamen orta dies.
Illa verecundis lux est praebenda puellis,
qua timidus latebras speret habere pudor.
Ecce, Corinna venit, tunica velata recincta,
candida dividua colla tegente coma—
qualiter in thalamos famosa Semiramis isse
dicitur, et multis Lais amata viris.
Deripui tunicam—nec multum rara nocebat;
pugnabat tunica sed tamen illa tegi.

_________________
avatar
Marte
Deus
Deus

Academy : 7
Lugares : Roma

Voltar ao Topo Ir em baixo

Re: _Epigramma_

Mensagem por Marte em Qui 11 Jun - 1:02



Quae cum ita pugnaret, tamquam quae vincere nollet,
victa est non aegre proditione sua.

Ut stetit ante oculos posito velamine nostros,
in toto nusquam corpore menda fuit.

Quos umeros, quales vidi tetigique lacertos!
Forma papillarum quam fuit apta premi!
Quam castigato planus sub pectore venter!
Quantum et quale latus! quam iuvenale femur!

Singula quid referam?
Nil non laudabile vidi et nudam pressi corpus ad usque meum.

Cetera quis nescit?
Lassi requievimus ambo. Proveniant medii sic mihi saepe dies!

_________________
avatar
Marte
Deus
Deus

Academy : 7
Lugares : Roma

Voltar ao Topo Ir em baixo

Re: _Epigramma_

Mensagem por Vênus em Qui 11 Jun - 1:32


VI-

Ianitor—indignum!—dura religate catena,
difficilem moto cardine pande forem!

Quod precor, exiguum est—aditu fac ianua parvo
obliquum capiat semiadaperta latus.

Longus amor tales corpus tenuavit in usus
aptaque subducto pondere membra dedit.

Ille per excubias custodum leniter ire
monstrat: inoffensos derigit ille pedes.


_________________
avatar
Vênus
Deusa
Deusa

Academy : 10
Lugares : Roma

Voltar ao Topo Ir em baixo

Re: _Epigramma_

Mensagem por Vênus em Qui 11 Jun - 1:34


At quondam noctem simulacraque vana timebam;
mirabar, tenebris quisquis iturus erat.

Risit, ut audirem, tenera cum matre Cupido
et leviter 'fies tu quoque fortis' ait.

Nec mora, venit amor—non umbras nocte volantis,
non timeo strictas in mea fata manus.

Te nimium lentum timeo, tibi blandior uni;
tu, me quo possis perdere, fulmen habes.


_________________
avatar
Vênus
Deusa
Deusa

Academy : 10
Lugares : Roma

Voltar ao Topo Ir em baixo

Re: _Epigramma_

Mensagem por Vênus em Qui 11 Jun - 1:35


Certe ego, cum posita stares ad verbera veste,
ad dominam pro te verba tremente tuli.

Ergo quae valuit pro te quoque gratia quondam—
heu facinus!—pro me nunc valet illa parum?

Redde vicem meritis! grato licet esse quod optas.
Tempora noctis eunt; excute poste seram!


_________________
avatar
Vênus
Deusa
Deusa

Academy : 10
Lugares : Roma

Voltar ao Topo Ir em baixo

Re: _Epigramma_

Mensagem por Proserpinae em Sex 12 Jun - 19:37


Excute! sic, inquam, longa relevere catena,
nec tibi perpetuo serva bibatur aqua!
ferreus orantem nequiquam, ianitor, audis,
roboribus duris ianua fulta riget.
urbibus obsessis clausae munimina portae
prosunt; in media pace quid arma times?
quid facies hosti, qui sic excludis amantem?
tempora noctis eunt; excute poste seram!
Non ego militibus venio comitatus et armis;
solus eram, si non saevus adesset Amor.
hunc ego, si cupiam, nusquam dimittere possum;
ante vel a membris dividar ipse meis.




_________________
avatar
Proserpinae
Deusa
Deusa

Academy : 6
Lugares : Roma

Voltar ao Topo Ir em baixo

Re: _Epigramma_

Mensagem por Mortis em Sex 12 Jun - 22:13



Ergo Amor et modicum circa mea tempora vinum
mecum est et madidis lapsa corona comis.

arma quis haec timeat? quis non eat obvius illis?

Tempora noctis eunt; excute poste seram!

Lentus es: an somnus, qui te male perdat, amantis
verba dat in ventos aure repulsa tua?

At, memini, primo, cum te celare volebam,
pervigil in mediae sidera noctis eras.


_________________
avatar
Mortis
Deusa
Deusa

Academy : 7
Lugares : Roma

Voltar ao Topo Ir em baixo

Re: _Epigramma_

Mensagem por Salachia em Sex 12 Jun - 22:22



Forsitan et tecum tua nunc requiescit amica—
heu, melior quanto sors tua sorte mea!
Dummodo sic, in me durae transite catenae!
Tempora noctis eunt; excute poste seram!
Fallimur, an verso sonuerunt cardine postes,
raucaque concussae signa dedere fores?
Fallimur—inpulsa est animoso ianua vento.
Ei mihi, quam longe spem tulit aura meam!
si satis es raptae, Borea, memor Orithyiae,
huc ades et surdas flamine tunde foris!



_________________
avatar
Salachia
Deusa
Deusa

Academy : 6
Lugares : Roma

Voltar ao Topo Ir em baixo

Re: _Epigramma_

Mensagem por Opis em Sex 12 Jun - 22:54



Urbe silent tota, vitreoque madentia rore
tempora noctis eunt; excute poste seram!

Aut ego iam ferroque ignique paratior ipse,
quem face sustineo, tecta superba petam.

Nox et Amor vinumque nihil moderabile suadent;
illa pudore vacat, Liber Amorque metu.

Omnia consumpsi, nec te precibusque minisque
movimus, o foribus durior ipse tuis.

Non te formosae decuit servare puellae
limina, sollicito carcere dignus eras.

_________________
avatar
Opis
Deusa
Deusa

Academy : 4
Lugares : Roma

Voltar ao Topo Ir em baixo

Re: _Epigramma_

Mensagem por Somnus em Sex 12 Jun - 23:37



Iamque pruinosus molitur Lucifer axes,
inque suum miseros excitat ales opus.

At tu, non laetis detracta corona capillis,
dura super tota limina nocte iace!

Tu dominae, cum te proiectam mane videbit,
temporis absumpti tam male testis eris.

Qualiscumque vale sentique abeuntis honorem;
lente nec admisso turpis amante, vale!

Vos quoque, crudeles rigido cum limine postes
duraque conservae ligna, valete, fores!

_________________
avatar
Somnus
Deus
Deus

Academy : 5
Lugares : Roma

Voltar ao Topo Ir em baixo

Re: _Epigramma_

Mensagem por Roma em Sex 12 Jun - 23:49




VII

Adde manus in vincla meas—meruere catenas—
dum furor omnis abit, siquis amicus ades!

Nam furor in dominam temeraria bracchia movit;
flet mea vaesana laesa puella manu.
Tunc ego vel caros potui violare parentes
saeva vel in sanctos verbera ferre deos!

Quid?
Non et clipei dominus septemplicis Aiax
stravit deprensos lata per arva greges,
et, vindex in matre patris, malus ultor, Orestes
ausus in arcanas poscere tela deas?

Ergo ego digestos potui laniare capillos?
nec dominam motae dedecuere comae.

Sic formosa fuit.
Talem Schoeneida dicam
Maenalias arcu sollicitasse feras;
talis periuri promissaque velaque Thesei
flevit praecipites Cressa tulisse Notos;
sic, nisi vittatis quod erat Cassandra capillis,
procubuit templo, casta Minerva, tuo.


_________________
avatar
Roma
Deusa
Deusa

Academy : 5
Lugares : Roma

Voltar ao Topo Ir em baixo

Re: _Epigramma_

Mensagem por Plutonis em Sab 13 Jun - 0:02



Quis mihi non 'demens!' quis non mihi 'barbare!' dixit?
ipsa nihil; pavido est lingua retenta metu.

Sed taciti fecere tamen convicia vultus;
egit me lacrimis ore silente reum.

Ante meos umeris vellem cecidisse lacertos;
utiliter potui parte carere mei.

In mea vaesanas habui dispendia vires
et valui poenam fortis in ipse meam.

Quid mihi vobiscum, caedis scelerumque ministrae?
Debita sacrilegae vincla subite manus!

_________________
avatar
Plutonis
Deus
Deus

Academy : 4
Lugares : Roma

Voltar ao Topo Ir em baixo

Re: _Epigramma_

Mensagem por Adonis em Sab 13 Jun - 2:11

An, si pulsassem minimum de plebe Quiritem,
plecterer—in dominam ius mihi maius erit?

Pessima Tydides scelerum monimenta reliquit.
Ille deam primus perculit—alter ego!

Et minus ille nocens. mihi, quam profitebar amare
laesa est; Tydides saevus in hoste fuit.

I nunc, magnificos victor molire triumphos,
cinge comam lauro votaque redde Iovi,
quaeque tuos currus comitantum turba sequetur,
clamet 'io! forti victa puella viro est!'

Ante eat effuso tristis captiva capillo,
si sinerent laesae, candida tota, genae.

_________________
avatar
Adonis
|Magister|Imortal|
|Magister|Imortal|

Academy : 21
Lugares : Roma

Voltar ao Topo Ir em baixo

Re: _Epigramma_

Mensagem por Angitia em Sab 13 Jun - 23:44



Aptius impressis fuerat livere labellis
et collum blandi dentis habere notam.

Denique, si tumidi ritu torrentis agebar,
caecaque me praedam fecerat ira suam,
nonne satis fuerat timidae inclamasse puellae,
nec nimium rigidas intonuisse minas,
aut tunicam a summa diducere turpiter ora
ad mediam?—Mediae zona tulisset opem.

At nunc sustinui raptis a fronte capillis
ferreus ingenuas ungue notare genas.



_________________
avatar
Angitia
Deusa
Deusa

Academy : 6
Lugares : Roma

Voltar ao Topo Ir em baixo

Re: _Epigramma_

Mensagem por Conteúdo patrocinado


Conteúdo patrocinado


Voltar ao Topo Ir em baixo

Página 1 de 3 1, 2, 3  Seguinte

Ver o tópico anterior Ver o tópico seguinte Voltar ao Topo


 
Permissão deste fórum:
Você não pode responder aos tópicos neste fórum